Spara og erlendu lánin

Ég man eftir þessu þegar fréttamenn hjá RUV og Stöð2 sýndu reikningsdæmi um hvað fólk sparaði mikið þegar tekin væru erlend lán. Svo var viðtal við Ingólf sjálfskipaðan sparnaðarsérfræðing, þar sem hann tók undir þessi orð.  Bankarnir vildu þó síður lána erlend lán og gerðu fólki "eins erfitt fyrir" og hægt var til að taka þannig lán.  Ef ég man rétt, þá sagði Ingólfur skýringuna vera að bankarnir vildu ekki að viðskiptavinir þeirra græddu og því vildu þeir að fólk tæki verðtryggt lán.

Hver er svo staðan í dag? Erlendu lánin hafa hækkað um tugi þúsunda, þeas mánaðarleg greiðsla undanfarna mánuði. Fréttamennirnir ættu kannski að endursýna þessa þætti sína og biðja þjóðina afsökunar á hegðun sinni.

Stöðugt fleiri leita aðstoðar vegna skulda

Athugasemdir

[Mercury (IP-tala skráð) 17.9.2008 kl. 07:31]

Alveg tek ég undir þetta með þér heilshugar að skora á fréttamenn að endursýna þessi viðtöl.

Og eins mættu þeir breyta öllum fréttaflutningi sínum af þessum ósköpum sem ríða yfir núna því þeirra orð og framsetning er síst til að fá fólk til að reyna að hugsa jákvætt og vona það besta, heldur troða þeir okkur niður í svartsýnispokann eins langt og þeir mögulega geta, skil ekki hvað þeir fá út úr þessu.

[adolf (IP-tala skráð) 17.9.2008 kl. 07:36]

Erlend lán væru í góðu lægi ef bankarnir væru ekki að fjármagna sig með gengis fellingu sí og æ,og græð á tá og fingri með því, skoðaðu þetta betur og seinasta verðbólgu skot gaf þeim fjórtán miljarða ,sem við verðu að borga hvernig sem fer og allt það bull sem þeir eru búnir að gera ,

[stefán þór (IP-tala skráð) 17.9.2008 kl. 09:04]

þetta er nú varla fréttamönnunum að kenna þeir sýndu okkur aðeins hvað við myndum spara miðað við stöðuna á þeim tíma. það er bara ekki hægt að gera ráð fyrir því að allir íslendingar séu peningalega þroskaheftir þrátt fyrir að fólk með mörg hundruð þúsun í yfirdrátt vegna skókaupa sýni annað.

ég var að kaupa íbúð á þessum tíma og ákvað að hugsa sjálfstætt og tók íslenskt lán með þessari æðislegu verðtryggingu. ein ástæðan fyrir því var að krónan hafði aldrei verið jafn sterk og þetta gat bara endað á einn veginn. sjálfstæð hugsun er til hjá einhverjum íslendingum.

[Mercury (IP-tala skráð) 17.9.2008 kl. 10:29]

Enda er ég ekki að "kenna" fréttamönnum um hvernig komið er heldur finnst mér þeir velta sér alltof mikið upp úr slæmu fréttunum og varla nokkur góð frétt inná milli

[Vilhelm (IP-tala skráð) 17.9.2008 kl. 10:52]

Langar rétt að benda á samanburð á tölum.

Lán tekið í september 2004 þá var vísitala neysluverðs ekki nema 235,6, í dag er hún 312,8 (ágúst vísitala 2008).

Breytingin er 32,7%. Ofan á þetta eru menn að greiða um 4,15% vexti ef að lánið var tekið á bestu mögulegum vöxtum í krónum.

Þeir sem tóku hinsvegar gengislán á sama tíma eru hafa fengið lánið í JPY og CHF (algengasta erlenda lánið enda lægstu vextirnir) á um 2-2,5% vöxtum. Í ágúst september 2004 sveiflaðist gengisvísitalan á milli 121 og 122, miðað við það og vísitöluna eins og hún er einmitt núna 171,5 þá eru breytingin frá lánstíma til dagsins í dag um 41,7%. Munurinn er rétt um 9% á því að taka íslenskt lán og erlent á þeim tíma.

Hinsvegar má segja að miðað við vaxtamun á milli íslenska lánsins (4,15%) og erlenda (2,25%) þá eru þessi 9% fljót að hverfa.

Ég er einn þeirra sem er með lán í erlendri mynt. Ég er fús til að viðurkenna að hlutirnir eru ekki jafn auðveldir og áður en það er ekkert vonleysi í gangi. Ég ræð við þessa sveiflur og á von á því að krónan gangi tilbaka að einhverju leyti. Greining Glitnis gaf út í morgun langtímaspá og hljómar hún um að gengisvísitalan verði um 130-150 eftir 15-18 mánuði.

Má ég spyrja hvernær fólk gerir ráð fyrir að vísitala neysluverðs gangi tilbaka? Nei ekki gera ráð fyrir því, síðustu 48 mánuði eru einungis 3 mánuðir þar sem vísitala neysluverðs lækkar, og frá aldarmótum hefur það gerst 14 sinnum á milli mánaða.