ESB aðild til þjóðarinnar ekki í klúbbaklíku

það á greinilega að ræða þessi mál bakvið luktar dyr eða í lokuðum klúbbum (nefndum).  Það á og það er krafa að öll umræða um kosti og galla aðildar þjóðarinnar að ESB væri rædd fyrir opnum tjöldum.

T.d gæti háskólinn tekið það að sér að skoða alla kosti og galla og leggja dæmið svo fyrir þjóðina. Hvað fær þjóðin við aðild og hvað missir þjóðin við aðild? Það væri svo hægt að matreiða oní þjóðina vikulega með umfjöllun í fjölmiðlum.  Eftir það er hægt að spyrja þjóðina hvort hún vilji sækja um aðild, þá með þjóðaratkvæðagreiðslu.

Kvótakóngarnir eru nátturulega andstæðir aðild, því þá fá þeir ekki lengur að sitja einir að fiskinum í skjóli kvótakerfis. En fæstir Íslendingar hafa sömu hagsmuni og kvótakóngarnir, amk ekki meðan kvótakerfið er að brjóta á landanum.

Svo varðandi Evru-aðild, þá spyr maður sig, hvernig stendur á því að Bretar halda enn í sitt pund? Þeir eru í ESB (höfðu þó vit á því að fara ekki í Schengen) þeir versla mikið við Evru-þjóðir.  Getur verið að þeir sjá hag í því að halda enn í pundið? -Hver er sá hagur og afhverju hafa Íslendingar þá ekki sama hag af því?

 

Tekist á um ESB á næsta landsfundi