Verður það þá fjandsamleg yfirtaka?

Hluthafar kvarta yfir því að fá bréf í Exista, samt hefur hagnaður SPRON undanfarin ár verið að stórum hluta vegna þess að Spron er hluthafi í Exista.  Svo þegar illa árar á hlutabéfamarkaði, þá væla hluthafarnir og vilja fá eitthvað meira. -Sem er ekki í boði.

Þeir sem keyptu í Spron á sínum tíma þegar það fór á markað hafa tapað miklu enda mætti segja að félagið hafi verið í frjálsu falli síðan. Lækkað úr 16.70 frá 24. okt 07 niður í 3.20 í gær.  Það hækkaði reyndar smá eftir að Kaupþing fór að tala við þá. Þeir sem töpuðu ekki eru þeir sem ákváðu að setja fyrirtækið á markað, þeir græddu á svínaríinu.

Spron stendur á brauðfótum og það er því hluthafa að velja hvort þeir vilja fá eitthvað fyrir peninginn sinn eða tapa honum öllum.

Hafna hluthafar SPRON samrunanum?