Uppstokkun þörf á leigubílamarkaðinum

Það furðulegt að árið 2008 er í raun einokun á leigubílamarkaðnum, reyndar svipar þetta til kvótakerfisins sem allir eru á móti.  Leyfum til leigubílaaksturs er úthlutað af yfirvöldum til einstaklinga sem fá þá leyfi til að keyra leigubíl, sem þeir þurfa að skaffa sjálfir.  Svo í skjóli nætur, þá láta þeir einhvern annan keyra fyrir sig.

Þurfti að taka leigubíl umhverja nóttina frá Grafarvogi niðrí bæ og kostaði það mig 3000 kr. sem manni fannst frekar mikið fyrir 12 mín akstur og ekki verður það ódýrari við næstu hækkun.

Það er kominn tími til að stokka upp þennan rekstur og koma með samkeppni.  Láta fyrirtæki kaupa bíla sem eru eingöngu gerðir til leigubílaaksturs og að leigubílastjórarnir vinna þar sem almennir launamenn. Leigubílar þurfa vissulega að vera af ákveðinni stærð og með auðvelt aðgengi en ég tel reyndar að stór hluti af akstrinum sé án farangurs.  Gæti því Toyota Verso dugað vel, jafnvel Prius.  Ekkert M.Benz verð á þeim.  Ef einhver hringir á "stöðina" og biður um bíl, þá verður hann að tilgreina að hann sé með farangur og kemur þá stærri bíll.

Ef nokkur fyrirtæki "leigubílastöðvar" eru svo í þessum rekstri þá er komin samkeppni en auðvita þýðir það að engin stöð á ákveðin svæði eins og er í dag. Reykjavík, vs. Keflavíkurflugvöllur.

Ríkið getur svo komið í þetta með reglugerðarbreytingum, þar sem bílarnir eru eingöngu notaður sem TAXI en ekki samblanda af TAXA og einkaakstri. þeas innskatta kaupin og reksturinn.

Nauðsynlegt að hækka taxtann

Athugasemdir

[Agnar Guðmundsson (IP-tala skráð) 14.7.2008 kl. 12:17]

Að kröfu ferðaþjónustufyrirtækja var svæðið suðurnes og reykjavík sameinað í eitt svæði. Við það lagðist af leigubílaakstur í Keflavík. Svo það er eitt og það sama.

Mikil vinna leigubílstjóra réttlætir góðar tekjur, en kostnaður er mikill, duglegur leigubílstjóri getur haft í tekjur um 1 milljón per bíl, skiptist í 400þús helgar akstur og 600 þús virka dags akstur. Ef það eru margir rauðir dagar í mánuðnum, þá hækkar þetta um kannski 10% en ef viðkomandi er með helgarbílstjóra þá verður afrakstur helgarkeyrslunnar ca. 150þús krónum lakari.

Kostnaður er líklega nærri 300þús, eldsneyti, tryggingar, leyfisgjöld, fjármagnskostnaður og afskrifti.

Kosturinn er að flestir ná inn meirihluta tekna á svörtu.

Málið er samt að þetta er ekkert líf hjá þeim sem keyra mikið, mikið einangrandi starf.

[Ásta (IP-tala skráð) 14.7.2008 kl. 17:00]

Kannski er 3000 kr ekkert mikið, en það á samt að ríkja samkeppni - þá lækkar verðið EF 3000 kr er okur, ef það er eðlilegt verð breytist það líklega ekki.

Og þó einokunarástandi sé aflétt, þá er hægt að hafa reglur um þetta eins og annað, til að koma í veg fyrir að stéttin „fyllist af glæpamönnum“ eins og fullyrt er að hafi gerst í Svíþjóð. Leyfin háð hæfni bílstjóra fremur en fyrirfram ákveðnum fjölda leyfa.

Ég er allavega frekar þreytt á því að ná ekki einu sinni sambandi við leigubílastöðvarnar í síma fyrr en eftir 55 mínútur á línunni (sbr síðasta laugardagskvöld), að ég tali ekki um biðina sem tekur síðan við eftir bílnum. Ekki mjög neytendavænt ástand!

[Haffi, 15.7.2008 kl. 08:43]

Merkilegt hvað leigubílstjórar eru ósáttir við að breyta núverandi gallaða kerfi. Getur það verið að núverandi kerfi er ekkert svo slæmt fjárhagslega fyrir þá?

Á síðu FIB er tekið fyrir kostnaður á rekstri bíls og ef við gefum okkur tölur þaðan þá er kostnaður bíls með öllu 51 kr pr. ekinn km ef eknir eru 30þúsund km á ári, kostnaðurinn lækkar þvi meira sem ekið er. Ef við gefum okkur að akstur úr Grafarvogi sé 10 km þá er kostnaður 514 kr en þeir rukka 3þúsund kr.  Restin fer í að greiða launatengd gjöld og svo eru það launin. Það er ágætis tímakaup.

Í skjóli nætur er að fá einhvern til að vinna fyrir sig svart. Margur leyfishafi er ekkert að keyra lengur, lætur einhvern annan gera það fyrir sig í stað þess að skila inn leyfinu.

Eins og staðan er í dag, þá er engin samkeppni á þessu sviði og þetta kerfi eins og það er í dag er tímaskekkja.

Að vitna í einhverja glæpamenn sem keyrðu bíla í Svíþjóð segir ekkert um hvernig hlutirnir gætu verið hér á landi.

[Haffi, 16.7.2008 kl. 08:01]

Óskar: Nóbelshafa fara varla í svona grunnskóla-stærðfræði. Ef þú ert ósáttur við tölurnar frá FIB, sem voru teknar sem miðviðun, viltu þá ekki koma með þínar tölur, skulum bara gera upp dæmið. Hver segir að bíllinn fari í langflestum tilfellum tómur til baka?

Orð mín um skattsvik er eitthvað sem allir leigubílstjórar vita um en skrifa þó ekki um opinberlega. Það vill svo til að ég þekki leigubílstjóra.

Miðað við hvað þið leigubílstjórar eru sáttir við kerfið ykkar (enda komnir með leyfið eru því hluti af kvótanum) þó að það sé meingallað og þið kvartið yfir því reglulega, þá eru viðbrögðin ykkar hérna merkileg. Þið viljið hækka taxta i stað þess að hagræða í rekstri.  Hljómið alveg eins og kaupmenn og stjórnmálamenn.  Svo að lokum þá stendst þetta kerfi ekki skoðun samkeppnisyfirvalda og það verður því að gera uppstokkun á því. -fyrr eða síðar.  Það er því bara vonandi að þið leigubílstjórar njótið þess meðan það varir.