Vilja þau að fólkið fari í 101 Reykjavík

Íbúarnir minna svolítið á þegar Vernd ætlað að opna áfangaheimili fyrir skjólstæðinga sína í Teigunum. Það eru léleg mótmæli að mótmæla og koma ekki með einhverja aðra lausn á móti.  Hvar vilja íbúarnir að áfangaheimilið verði? Er þörf á að troða öllu þessu fólki fyrir í miðbænum? Er Norðlingaholtið of fínt fyrir þetta fólk?

Hefur holtaloftið eitthvað stigið þeim til höfuðs.

Íbúar í Norðlingaholti afhenda borgarstjóra undirskriftir gegn áfangaheimili

Athugasemdir

[Einar (IP-tala skráð) 11.7.2008 kl. 08:59]

Nei, Norðlingaholtið er síður en svo of fínt fyrir þetta fólk. Staðreyndin er sú að Norðlingaholtið er barnahverfi, var auglýst sem slíkt þegar það var byggt, af Reykjavíkurborg. Áfangaheimilið mætti og ætti að vera í dreifbýli, ekki innan um aðra íbúa.

[Hrafnhildur Þórólfsdóttir (IP-tala skráð) 11.7.2008 kl. 09:21]

Hvernig á fólk að ná að aðlagast samfélaginu ef það er útilokað frá því?
Þetta viðhorf Ég er sko alveg fylgjandi þessu, bara ekki í mínu hverfi! lýsir óþolandi hroka og ónærgætni í garð náungans. Fólk ætti að skammast sín.

[María Ýrr Atladóttir (IP-tala skráð) 11.7.2008 kl. 09:30]

Ég er algerlega sammála síðasta ræðumanni, Hrafnhildi. Yfirleitt þegar um áfangaheimili er að ræða þá er útivistartími og engin fíkniefni né áfengi leyfð, segir sig sjálft!!! Einhversstaðar þurfa "vondir" að vera!!!

[Presturinn, 11.7.2008 kl. 09:40]

Fólk fer ekki á áfangaheimili af því að það er svo gott og skemmtilegt. Það fer þangað af því að það hefur sýnt vítaverða hegðun sem síst á heima á stað sem hannaður er fyrir börn og barnafólk.

Fólk sem hefur fyrirgert rétti sínum til að vera í samfélaginu þarf að vinna sér hann inn aftur. Það getur gert það útí sveit þar sem minni hætta er á að það valdi sér eða öðrum frekari skaða. Það þarf það ekki að gera í barnahverfi.

Að vilja ekki hafa afbrotamenn innanum börnin sín hefur ekkert með mannvonsku að gera - það er bara heilbrigð skynsemi.

[Anna H. (IP-tala skráð) 11.7.2008 kl. 09:55]

En sú heimska að halda að fólk sem hafi sýnt vítaverða hegðun séu þeir sem lendi á áfangaheimilum. Ofsalega er fólk grimmt og illa að sér, illa upplýst og fordómafullt Aumingja börnin sem þurfa að alast upp við slíka mannvonsku.Það er eins gott að þau eða þeirra ástvinir verði aldrei fyrir áföllum í lífinu og þurfi á samfélaginu að halda.

Manni verður bara illt af svona lestri.

AH.

[tatum, 11.7.2008 kl. 11:22]

Ég verð nú bara að taka undir þetta með íbúum í nærlyggjandi raðhúsum!  Ég vildi ekki ala börnin mín upp með "BIRGIÐ" í næsta húsi, við verðum að fara að gera okkur grein fyrir því að "fíkn" er fíkn og ekki er aðvelt að losna við fíknina!  Farið inná stofnanir sem fólk er að berjast við krabbamein, lömun og segið því fólki að fíkn sé sjúkdómur! Talið við reykingafólk "það er fíkn líka" og segið því að þau séu sjúklingar og geti hætt í norðlingaholtinu! Örfáir ná að hætta en þeir eru fáir, þannig að þessi starfsemi á ekki heima í barnahverfi. því segi ég nei!!!!

[Karma (IP-tala skráð) 11.7.2008 kl. 11:44]

Þú hittir naglann alveg á höfuðið Hrafnhildur. "bara ekki í mínu hverfi."

Hvernig á fólk að aðlagast samfélaginu uppí sveit í burtu frá samfélaginu?

Einar: Er Norðlingaholti barnahverfi? Hvað með önnur hverfi, eru engin börn þar? Eða bara ekki þín börn?

[Þuríður (IP-tala skráð) 11.7.2008 kl. 13:03]

Enn og aftur....kynnið ykkur þessi mál.

http://saa.is/default.asp?Sid_Id=9826&tId=2&Tre_Rod=001|002|001|&fre_id=73599&meira=1

http://prakkarinn.blog.is/blog/prakkarinn/entry/576312/.

[Einar (IP-tala skráð) 11.7.2008 kl. 14:40]

Já, Norðlingaholtið er barnahverfi og það eru önnur hverfi líka, vissulega.

En ég skil ekki hvaða hugsjón liggur að baki því að svona starfsemi þurfi að fara í mitt íbúðahverfi. Íbúar í nágrenninu vilja þetta ekki. Ég er alveg hundrað prósent viss um það Hrafnhildur, Karma og Anna H, að þið vilduð ekki sjá þessa einstaklinga í næsta húsi við ykkur.

Eflaust er þetta ágætis fólk sem hefur farið út af sporinu í lífinu. Auðvitað á það að fá annað tækifæri til að koma sér á strik í lífinu. En af hverju að setja það í mitt íbúðahverfi? Hvað með staði rétt fyrir utan borgina, staði þar sem engin börn eru. Eða í hverfi þar sem er atvinnustarfsemi en engir íbúar?

[Karma (IP-tala skráð) 11.7.2008 kl. 14:44]

Er fólkið semsagt að mótmæla spillingunni bak við þetta mál en ekki ákvörðuninni að reka heimilið í Norðlingaholti?

Ég tek undir að þetta ferli hefur verið vægast sagt vafasamt og lyktar vel (illa) af einkavinavæðingu Sjallanna.

Aftur á móti virðast flestir sem tjá sig um þetta mál ekki vera á móti heimilinu vegna þess heldur eingöngu staðsetningarinnar t.d. Einar hér að ofan og Presturinn.

[Karma (IP-tala skráð) 11.7.2008 kl. 14:52]

Einar:

Það stendur reyndar til að opna áfangaheimili fyrir heimilislausa í næstu götu við mig. Ég studdi þá ákvörðun.

Það er hluti þess að aðlaga fólk samfélaginu að hjálpa því að búa í samfélagi. Ekki út í sveit eða í iðnaðarhverfi. Þegar fólkið útskrifast af þessum heimilum á það (vonandi sem flestir) að geta tekið þátt í vinnu, fundið sér húsnæði o.þ.h. Það gengur ekki vista það í vernduðu umhverfi út í sveit í x mánuði, senda það með rútu í bæinn og segja því að finna sér vinnu og íbúð.

Auðvitað á fólk að fá annað tækifæri en bara ekki nálægt þér og þínum. Þetta er bara týpískur hugsunargangur hjá fólki sem hugsar bara um sjálfa sig.

[Einar (IP-tala skráð) 12.7.2008 kl. 20:14]

Þú skalt ekki segja að þetta sé hugsunagangur þeirra sem hugsa bara um sjálfan sig. Það er sleggjudómur og ryksláttur að halda slíkri fásinnu fram. Þú þekkir mig ekki einu sinni.

Ef málið er hugsað út frá öðru sjónarhorni - sjónarhorni fíklanna. Getur þeim liðið vel í hverfi þar sem þeim finnst þeir ekki vera velkomnir. Eins og í Norðlingaholti. Er amstur borgarinnar það sem þetta fólk þarf? Það er ég ekki viss um.

Ég held að skoðun mín væri örlítið öðruvísi ef verið væri að tala um eitt hús fyrir 5 til 6 einstaklinga, en við erum að tala um heila raðhúsalengju. En ég vona svo sannarlega, ef þetta heimili verður að veruleika, að þetta fólk verði til friðs. Því annars skal ég, og örugglega þúsundir annarra, hugsa til þeirra sem studdu ákvörðunina um eiturlyfjabælið í barnahverfinu.