Helgin notuð til að ljósrita

Guðmundur er með aðra skoðun á eignarétti en ég. Gæti t.d ekki talið mig eiga gögn sem ég vinn með á mínum vinnustað.  Þó svo ég hafi skrifað þau og skrifað undir þau.  Fæ nefnilega borgað að gera það.  Hvenær varð svo OR sem er í eigu borgarinnar bara hálfopinbert fyrirtæki? Þetta er klárlega þjónustustofnun sem á að sinna grunnþjónustu fyrir borgarbúa (og aðra sem eru tengdir þjónustuneti þess) þeas sjá um öflun, flutning og afhendingu á heitu og köldu vatni, rafmagni ásamt fráveitu.

Hvenær gat svo bifreið í eigu OR orðið hans eign? Það ætti nú ekki annað að þurfa fara i bifreiðaskrána og sjá þar skráðan eiganda.  Ekkert flókið og ætti að liggja ljóst fyrir.  Það væri fróðlegt að vita hverskonar bíll þetta er sem hann fékk afnot af.  Var þetta umhverfisvænni rafmagnsbíll eða stór mengandi jeppi?

Það er greinilegt að sumir hafa verið of lengi í starfinu, haldandi að hlutir séu orðnir að sinni eign.  Jafnframt hefur veldið á OR eitthvað skert þeirra dómgreind á eignarétti.

Það er vonandi að þetta mál verður ekki þaggað eftir helgi, þetta mál gefur tilefni til að rannsaka það oní kjölinn.  Það er um fjárhagslega hagsmuni OR að ræða, peningar sem ég borga.  Eða er OR tilbúið að lækka minn orkureikning?

Hyggst skila gögnunum eftir helgi

Athugasemdir

[Hallur (IP-tala skráð) 10.7.2008 kl. 10:34]

Þetta er bara enn eitt gengdarlausa dæmið up subbuskapinn sem þessi spikfeiti maður hefur komist upp með. Hann hefur í gegnum tíðina gert það sem hann hefur viljað, við þá sem hann hefur viljað. Menn sem hafa starfað þarna vita alveg hvað ég á við og þeir hinir sem hafa fylgst með honum í fjölmiðlum ættu einnig að þekkja einkennin.  

[Haffi, 10.7.2008 kl. 12:54]

Hallur, hmm..já! -þá hugafarið er slæmt þá tel ég ekki ástæðu til að tala um holdafarið, það er eitthvað sem kemur almenningi ekki við.

[Guðmundur Ásgeirsson, 10.7.2008 kl. 14:43]

Lögum samkvæmt eru sköpunarverk starfsmanna sem verða til í launuðu starfi þeirra, sjálfkrafa eign þess fyrirtækis sem greiðir þeim launin. Þetta er ósköp einfalt og ætti ekki að vefjast fyrir nokkrum manni, nafni minn Þóroddsson virðist hinsvegar hafa misskilið þetta eitthvað... kannski þykir honum sköpunarverk sín svo ómerkileg að varla vilji OR hafa nokkuð með þau að gera framar. ;)