Hótel-okur

Var á ferðinni um landið mitt um helgina og álpaðist inn á hótel, Fosshótel, ekki til þess að gista heldur til að reyna fá mér eitthvað í svanginn.  Reyndar var ekkert að gera á Restauranti hótelsins og reyndar bara setið við eitt borð, þeas borðið sem ég sat við.

Fékk matseðil dagsins og pantaði af honum það sem ég hélt að væri ekki hægt að klúðra, Tortillas.  En maturinn sem ég fékk var virkilega ógeðslega vondur, reyndi samt að borða matinn, því ég var virkilega svangur en eftir matinn sat ég uppi með óbragð í munninum.

Ætlaði þá að drepa á óbragðinu með kaffi.  Ákvað að fá mér venjulegt kaffi, þar sem fæstir staðir kunna að laga Expresso eða annað alvöru kaffi.  Í boði var Merrild kaffi úr vél, 300 kr. bollinn, Nei, takk var mitt svar.   Fór því útí móa og fékk mér hundasúrur. -frítt.

Þessi heimsókn var eini svarti bletturinn á annars ágætum degi.

Ekki aukning á gistinóttum