Vatnsmýrin Reykjavík 102

Núna er borgin búin að loka fyrir sýninguna á hugmyndum Breta á því hvað ætti að vera í Vatnsmýrinni í staðin fyrir Reykjavíkurflugvöll.  Það sem gerist nú í skjóli myrkurs er að hugmyninni verður breytt, það reyndar kallast að vinna með hugmyndinni og svo næst þegar verlauna-hugmyndin kemur aftur í dagsljósið verður hún mikið breytt.

Þegar ég sá þessa hugmynd, þá fannst mér ég vera horfa á Street Map af NY, beinar götur með 90° gatnamótum og svo Brodway Ave. ská yfir allt saman.  Það verður rosa spennandi að vera þarna á röltinu í norðan-kalda, þar sem vindurinn fær að auka hraðann milli húsanna og það verður ekkert sem stoppar hann.

En er Reykjavík eina borgin sem hefur þetta vandamál, þeas ekki meira land í miðbænum sem hægt er að nota til bygginga og öll græn svæði eru vannýtt og ónotuð auðlynd?  Ekki er það svo.  Þar sem ég nefndi NY áðan, þá nefni ég þá aftur garðinn þeirra Miðgarð, e. Central Park.  Þeir geta ekki hugsað sér að fórna þeim garði fyrir háhýsi. Það vita það svo allir að, Kapitalisminn er #1 í USA.

Annað dæmi er flugvöllurinn í Chicago, Chicago-Midway International (KMDW), sem er eins og bútur í bútasaumsteppi.