Er með betri hugmynd

Hvernig væri að leggja niður mjólkurkvótann, þannig að allir bændur geta framleitt eins mikið af mjólk og þeir geta selt. Þá verður líka eðlileg nýliðun í stéttinni, þeas að ungbændur þurfa ekki að byrja á þvi að eyða pening í að kaupa kvóta af uppgjafa-bændum.

Svo það besta er að ríkið-skattgreiðendur þurfa ekki að greiða meiri pening til bænda. Því að ekki er um nenan smápeninga um að ræða.

Svo úr þvi maður er farinn að blogga um kúabændur, þá hafa þeir það svo gott að þeir eru tilbúnir í að eyða pening í að taka við Norsku kúakyni. Það er framkvæmd sem kostar sitt eða ætla þeir að heimta að ríkið borgi þann kostnað?

Persónulega þá óska ég þess bara að geta drukkið mjólk úr Íslenskri kú

Ríkið kaupi kvótann

Athugasemdir

[Kári Gautason, 2.2.2008 kl. 09:23]

Ef kvótinn væri lagður af án neinnar aðstoðar við kúabændur færi mikið af bændunum sem hafa eytt tugum, sumir hundruðum, milljóna við að kaupa sér kvóta á síðustu árum til að hagræða rekstrinum á hausinn. Semsagt það myndi senda alla dugmestu bændurnar á hausinn. 

[Haukur (IP-tala skráð) 2.2.2008 kl. 16:58]

Menn verða að vera ábyrgir gerða sinna.

 Hver sá sem fjárfestir í mjólkurkvóta, hlýtur að gera sér grein fyrir því að samningurinn við ríkið, sem byggir á einokun og gengur gegn öllum góðum verslunarháttum, getur ekki varið til eilífðar. Óvissan um framhaldið hlýtur því að vera reiknuð inn í verðlagið. Við þurfum ekki að vorkenna þessu fólki neitt. Það er skrýtið þegar menn telja að þeir sem styrki þá um milljarða á ári skuldi þeim eitthvað.

Og jafnframt varðandi orð Kára, af hverju ættu bændurnir að fara á hausinn? Ef að þeir hafa náð að hagræða munu þeir standa betur að vígi en aðrir kúabændur og ganga vel eftir að niðurgreiðslum verður hætt. Mjólk myndi ekki ólíklega  hækka í verði þegar niðurgreiðslum verður hætt þannig að bændur munu fá meira fyrir mjólkina en þeir gera núna fyrir niðurgreiðslur.

[Haffi, 2.2.2008 kl. 23:25]

Tek undir skrif Hauks, það er kominn tími til að bændur standi á eigin fótum, ríkið þarf að hætta að gera þá að aumingjum með því að dæla í þá niðurgreiðslum. Júbb, rétt er það að mjókurverð hækkar eitthvað en það er þó samkeppni á réttum grundvelli.  Svo btw, ef maður þarf mjólk þá kaupir mar sér mjólk hvort sem hún kostar 67 kr eða 167 kr.