Föt keisarans

Fréttamenn ættu að fara skoða klæðnað stjórnmálamanna betur, hvort þeir eru klæddir í 3 fyrir 2 föt frá Dressman eða Armani frá Sævari Karli jafnvel Karen Miller. Það væri hægt að hafa þátt um það í sjónvarpinu í stað þess að sýna beint frá "eldhúsdagsumræðunum"

Samkvæmt fréttinni segir að flokkurinn hafi þurft að borga og þá veltir maður því fyrir sér hvort þetta séu félagsgjöld famsóknarmanna sem fara í fatakaupin. Persónulega þá efast ég um það.

Þannig er að alþingismenn samþykktu á sínum tíma framlög ríkisins (skattgreiðenda) til stjórnmálaflokka og nema þessi framlög nokkur hundruð milljónum króna á ári. Peningur sem væri betur varið í t.d heilbrigðisþjónustuna. En þegar þingmenn eru að dæla pening í sjálfa sig, þá eru þeir rausnarlegir.

Núna sér maður í hvað fénu er varið.  Virkilega illa farið með opinbert fé og þessum ólögum ætti að breyta, geri þó ekki ráð fyrir því að þessir 63 sem sitja á þingi hafi þroska til þess.

Svo andsvar Björns Inga, sýnir vel á hvaða pólitíska IQ stigi hann er.  Ætli það séu uppþornuð tár á bréfinu sem hann sendi?

Svei-attan stjórnmálamenn, þið eruð valdir til að ráðstafa almannafé en sólundið því svo í hégóma fyrir ykkur sjálf.

Gagnrýnir fatapeninga framsóknarmanna