Skiptir það máli?

Það sem er rauður þráður í þessari frétt er að Svandís Svavarsdóttir fékk höfuðhögg en það sem raun skiptir máli er varla fréttarinnar virði.

Það er mjög alvarlegt mál að flugvélarsæti skuli hafa losnað í flugi, svo alvarlegt að það er vonandi að RNF, taki starfsemi Flugfélags Íslands til skoðunar. Sætið á að haldast á sínum stað undir miklu meira álagi en að lenda í smá ókyrrð. Maður veltir því fyrir sér hvort maður ætti að taka hraustlega í sætið sitt, næst þegar maður flýgur með Flugfélaginu. -eða bara taka rútuna.

Það að tilgreina sérstaklega að farþeginn skuli vera Svandís, er eins og að segja að þetta hafi verð Pólverji eða Lithái í öðrum fréttum. Með fullri virðingu þá var Svandís eins og hver annar farðþegi um borð í flugvélinni. Reyndar tel ég svo vera að hún hafi sinn rétt á einkalífi, á sínum ferðalögum. -jafnvel þó svo hún hafi verið að sækja fund sveitarfélaga á Íslandi.

Hefði farþeginn verið einhver Jón Jónsson, þá hefðu blaðamennirnir ekki gert svona mikið mál úr þvi hver sat í sætinu.

Persónulega hef ég ekki flogið í þessari vél Flugfélagsins Dash-týpan, getur hugsanlega verið að Svandís hafi óvart ýtt á "Eject" takkann?

 

Svandís Svavarsdóttir meiddist er flugvélarsæti losnaði