Fyrir hverja er landið?

Merkileg orð Magneu um að ber brjóst geta sært blygðunarkennd gesta af öðrum þjóðernum, því væru ber brjóst bönnuð í Bláa lóninu.  Í sumum löndum má ekki sjást í bert hold á konu. Maður spyr sig ef bíkini særir blygðunarkennd gests, verða þá bíkini bönnuð?  Hvað með -G-string sundbuxur?

Erum við ekki á Íslandi og okkar reglur gilda hér á landi? Ferðamenn verða að sætta sig við þá siði sem þeir eru gestir í. -það er fyrsta regla ferðalangsins.

Þar sem bláa lónið er með svona barnalega stefnu, þá mun ég mætmæla henni með því að fara ekki í lónið. Hef ekki áhuga á því að láta okra á mér og segja mér hvernig ég skuli vera klæddur.

Svei-attan yfirmenn lónsins, þið hafið ekki fattað að þið eruð á Íslandi og á Íslandi eru innlendir siðir

Ber brjóst bönnuð í lóninu

Athugasemdir

[Einar Steinsson, 15.1.2008 kl. 08:34]

Bláa lónið er fyrirtæki sem gerir út á að þjónusta erlenda ferðamenn. Lónið er ekki náttúrulegt heldur manngert og undir stjórn fyrirtækisins. Að sjálfsögðu hafa þeir allan rétt til að setja þær reglur sem þeim sýnist á sínu yfirráðasvæði. Það hefur ekkert með Íslenska siði að gera. Ef einhver er ósáttur við það þá er honum frjálst að sleppa því að kaupa þjónustu Bláa Lónsins.

Tek það fram að ég er á engan hátt tengdur þeim en vann í mörg ár í ferðaþjónustu og kom oft þangað.

[benni (IP-tala skráð) 15.1.2008 kl. 11:28]

Að sjálfsögðu, einar steinss., er öllum frjálst að fara ekki í lónið, og þeim frjálst að setja sínar reglur, um það snýst hins vegar gagnrýnin ekki, heldur það að þessar reglur, sem eiga að þóknast sem flestum, rúna Ísland sérkennum sínu; að sjálfsögðu ekki alvarlega þar sem um er að ræða einn drullupoll, en samt sem áður er sjálfsagt að lýsa yfir frati á þessa kokteilsósu..

[Garðar Valur Hallfreðsson, 15.1.2008 kl. 14:20]

Skipta lóninu í tvennt, nektarlón og bláa lón = allir ánægðir!

[Haffi, 15.1.2008 kl. 18:36]

Garðar þetta var góð hugmynd, það er hægt að skipta lóninu í tvennt, fyrir útlendinga sem eru 70% og þola ekki að sjá í bert hold og svo fyrir innlenda viðskiptavini sem eru 20% notenda lónsins.

Útlendingarnir geta þá verið í vernduðu umhverfi, sem minnir mann á þegar forseti Kína kom til landsins og mátti ekki sjá neitt gult

[The baristas, 15.1.2008 kl. 20:12]

Ef útlendingar í Bláa lóninu eru 70% og heimamenn 20%.  Hverjir eru þá hin 10%

[Haffi, 15.1.2008 kl. 21:01]

10% eru pöddurnar þar

[Einar Steinsson, 15.1.2008 kl. 21:05]

Miðað við mína reynslu eru Íslendingar miklu meiri teprur heldur en Evrópubúar, suður við miðjarðarhaf er t.d. mýgrútur af nektarströndum sem eru sóttar af ósköp venjulegu fjölskyldufólki hvaðanæva úr Evrópu. Það eru hins vegar amerikanar (sem eru líklega langstæðasti kúnnahópur bláa lónsins) sem fara endalaust á límingunum ef sést í bert hold einhverstaðar. Íslendingar eru svo þarna einhverstaðar á milli, líklega þó nær Evrópu.