Í dag er tækifærið

Í fréttum er stöðugt tönglast á því hvað OMX hefur fallið um mörg stig á dag og undanfarnar vikur. Jafnframt eru sagðar fréttir hvað fjárfestar hafa tapað miklu á því að eiga hlutabréf. Reyndar er það svo að maður tapar engu né græðir fyrr en maður selur bréf.

Maður hefur það reyndar á tilfinningunni að það sé ákveðinn hræðsluáróður í gangi í fjölmiðlum.  Það vita það allir sem kunna að telja að ávöxtun bréfa geti ekki verið 40-50% ár eftir ár. Nær væri að gera ráð fyrir 15-20%

Hræðsluáróðurinn gerir það að verkum að fólk þorir ekki að kaupa hlutabréf í dag, samt er það svo að hagstæðast er að kaupa hlutabréf í dag og auðvita óhagstætt að selja ef maður keypti sl. sumar. Mar á að kaupa þegar gengið er lágt og selja þegar það er hátt.

Núna er það spurning hvenær og hvar er botninn á gengi hlutabréfa.  Ég t.d man þá tíð þegar Vinnslustöðin var á genginu 0.95 en í dag er hún á 8.5.  Fer hún í aftur undir 1 eða helst hún í 8-9? -það er spurningin sem gerir hlutabréf svo skemmtileg.

Eitt er víst í stöðugu neikvæðu tali um gengið á hlutabréfum sem maður heyrir í fréttum leynist tækifærið til að fjárfesta með möguleika á gróða.  Núna er tækifærið fyrir hinn venjulega mann til að fjárfesta, amk ætla ég að gera það. Samt ætla ég mér ekki að veðsetja húsið mitt og ömmu mína enda er ég bara verkamaður sem sætti mig við að ferðast með Flugleiðum í stað þess að ferðast í einkaþotu.

Hlutabréf hækkuðu í Kauphöll Íslands