Mál og menning -á Laugaveginum

Var á Laugaveginum í dag, að skoða í búðir og hitta fólk, sem er reyndar ekki merkilegt. Fór reyndar í Mál og menningu að skoða gjafir fyrir krakka á 3 og 4 ári.  Fór í kjallarann, þar sem krakkavörurnar eru og hitti þar fyrir einn starfsmann og spurði hana um gjafir fyrir krakka á áðurgreindum aldri.

Eftir mikið hik og langa þögn..þá mælti starfsmaðurinn með Selnum Snorra. Sígild bók, sem ég las reyndar sjálfur á sínum tíma..en ekki þegar ég var 3ja ára.  Fannst þetta eitthvað undarleg afgreiðsla. Starfsmaðurinn var ekki unglingsstelpa á gelgjunni, þannig ég var ekki alveg að fatta verslunarstjórann hjá Mál og menningu. Eftir að afgreiðsludaman hafði mælt með Selnum Snorra, þá fór hún að tala við vinkonu sína sem hún rakst á og aðspurð sagðist hún vera selja bókina sína. -Eitthvað fannst mér það undarlegt.  Fór auðvita tómhentur heim.

Svo heyrði ég það í útvarpinu að rithöfundar hefðu verið starfandi í Mál og menningu í dag. Þannig það kom skýringin á þekkingarleysi "starfsmannsins"  Hún var bara rithöfundur sem vissi ekkert um barnabækur.

Lærði á þessu að best er að spyrja fólk í búðum hvort það eru starfsmenn eða eitthvað annað.