Heiðurslaun á minn kostnað.

Því miður gat ég ekki hlustað á allt viðtalið við Kolbrúnu Halldórs og Sigurð Kára um listamannalaunin á Stöð2 áðan, fékk í magann og þurfti að kasta upp. Rök Kolbrúnar héldu ekki vatni. Maður bara spyr, hvað er merkilegra við listamann en aðra vinnandi menn hér á landi?

Eitthvað nefndi hún heiður og framlag þeirra til þjóðarinnar, ásamt því að tala um að listamenn borguðu ekki í lífeyrissjóð, jafnframt talaði hún um hefðina og blablabla.

Ég gat t.d ekki séð neinn arkitekt á listanum sem kom með fréttinni.  Arkitektar hafa sumir teiknað lista-fallegar byggingar sem mikill sómi er af. -en ekki telst það til listar samkvæmt mati Kolbrúnar og Sigurðar kára.

Það að borga ekki í lífeyrissjóð er eitthvað sem margur geri og sitja flestir í súpunni við starfslok. Sumir iðnaðarmenn og margt gamla fólkið í dag hafa ekki borgað í lífeyrissjóð. -þau fá engar greiðslur frá ríkinu.

Varðandi hefðina, þá er það ekki rök að nefna það, frekar er það rökleysa.

Ekki það að ég hafi eitthvað móti þeim aðilum sem fá þessar greiðslur, enda eru þeir bara sáttir við að fá alla þá peninga sem hægt er, -ég væri það amk.  Gat t.d séð listamenn á listanum sem eru ekki að selja sín verk ódýrt.  Amk einn hefur ekki búið á Íslandi síðan ég veit ekki hvenær.  Ekki borgar hann skatta hingað til lands.

Það er kominn tími til að brjóta upp þessi mistök og gera eitthvað annað með peningana.

Heiðurslaunaþegum fækkar