Femínistafélag Íslands

Hvað ætli femínistar segja um svona hluti? Hef amk ekki heyrt neitt um að þær hafa fordæmt þetta en væri fréttin um 14 ára stúlku og 29 ára mann...þá væru þær búnar að heimta að maðurinn yrði hengdur.

Það er svo unarlegt hvað þær eru þöglar þegar kynsystur þeirra eru gerendur en ekki þolendur.

29 ára kona eignaðist barn með 14 ára pilti

Athugasemdir

[Sonja (IP-tala skráð) 11.12.2007 kl. 23:52]

Held að allt venjulegt fólk fordæmi svona. Femínistar og and-femínistar. And - femínistar aftur á móti koma líklegast ekki með svona athugasemdir eins og þú við frétt eins og þessa hér.

[Kristín Tómasdóttir (IP-tala skráð) 12.12.2007 kl. 00:09]

Sæll Haffi

Ég verð að segja að mér finnst þessi færsla vera skrifuð af einstakri fáfræði. Bara svo ég skilji þig rétt þá vil ég vita hvort þú sért að halda því framm að femínsistum sé slétt sama um kynferðsilegt ofbeldi, NEMA, þegar karlmenn eru gerendur?

Ef svo er, þá skal ég hér og nú sem mikill femínisti og fulltrúi í ráði femínistafélagsins tilkynna þér að femínistar eru á móti ÖLLU kynferðislegu ofbeldi, hvort sem kona eða karl er gerandinn!

Ástæðan fyrir því að það heyrist oftar í femínistum fordæma kynferðislegt ofbeldi sem karlmenn beita er sú að karlmenn eru í lang flestum tilfellum gerendur í kynferðisbrotamálum. Ég vil benda þér á skýrslu Stígamóta frá því í fyrra, þú getur nálgast hana á heimasíðu Stígamóta á www.stigamot.is. Þú getur einnig flett upp í gömlum dómum og rannsakað málið sjálfur. Tölur kvennaathvarfsins benda til sömu niðurstöðu.

Með þessum orðum mínum er ég ALLS EKKI að segja að konur beiti ekki kynferðsleguofbeldi heldur að þær gera það í minna mæli!

Hugsaðu áður en þú skrifar. Það fer þér betur!

Femínistakveðjur

Kristín Tómasdóttir

[Aðalbjörn Steingrímsson (IP-tala skráð) 12.12.2007 kl. 00:33]

Nú hreyfðir þú aldeilis við ofurfemínistunum haffi ! Þær þola sýnilega ekki gagnrýni sem þessa en eru sífellt að garga og góla í fjölmiðlum öllum til leiðinda og ama. Stattu vaktina haffi ekki veitir af.

[Signý, 12.12.2007 kl. 01:23]

Ég held að konur beiti ekkert ofbeldi í minna mæli en karlar, spurning um hvort fólk sé duglegt að tala um það og kæra, að tala um svona mál er ekkert auðvelt, segja frá og viðurkenna fyrir sjálfum/sjálfri sér hvað maður sé búin að láta yfir sig ganga.

Kynferðislegt ofbeldi gagnvart börnum og fólki yfirleitt er enn ákveðið tabú, það er nógu erfitt fyrir stelpu/konu að gera grein fyrir kynferðisofbeldi gagnvart sér. Það er bara búið að viðurkenna þá staðreynd að það á sér stað, gagnvart konum.  Það er ekki búið að viðurkenna að það sé til gagnvart karlmönnum, né að konur beiti börn sín og/eða jafnvel unglings stráka og menn kynferðislegu ofbeldi, það er of mikið tabú ennþá... Og fólk eins og þú Kristín sem gerir lítið úr kynferðisofbeldi, framið af konum með því að segja að það sé sjaldgæfara eða minna, er ekki til þess að hjálpa fólki sem lendir í því...

Merkilegt að konur sem þykjast standa fyrir jafnrétti, geti ekki bara talað á jafnréttisgrundvelli í staðinn fyrir að vera endalaust að draga fólk í dilka. 

Friður á jörð! 

[Kristín Tómasdóttir (IP-tala skráð) 12.12.2007 kl. 14:43]

Ragnar Örn- Í fyrsta lagi þá er dónalegt og ómálefnalegt að segja fólki að stein þeigja. Í öðru lagi þá talar Femínistafélag Íslands ekki í umboði allra kvenna á Íslandi. Femínistafélag Íslands talar í umboði félaga í Femínistafélagi Íslands, þar er t.d einnig að finna marga karlmenn. Öryggisráðið er "undir" ráð innan Femínistafélagsins og einbeitir sér að því að útrýma ofbeldi gagnvart konum.Í fjórða lagi þá nefni ég ekkert dæmi í kommentinum mínu hér að ofan og ég mæli með því að þú Ragnar Örn, lesir a.m.k yfir það sem þú lætur frá þér. 

Jón Fríman- hvernig fær þú það út að ég vilji ekki að kynferðislegu ofbeldi þar sem kona er gerandi sé ekki mótmælt? Mér finnst dygg ástæða til þess að mótmæla því! 

Signý- ég tala fyrir öllu jafnrétti milli kynjanna um það snýst femínismi. Ekki bara um konur, heldur (trúðu því eður ei) líka um karla. Kynntu þér hugtakið femínismi.

Aðalbjörn- ef það er einhver sem þolir gagnrýni ágætlega þá eru það femínistar. Held að það séu fáir mannréttindabaráttuhópar sem þurfa að þola jafn mikla gagnrýni. Við reynum að taka henni ekki persónulega og höfða hana á skynsamlegum og málefnalegum grundvelli. 

Kær kveðja

Kristín Tómasdóttir 

[Margrét Össurardóttir (IP-tala skráð) 12.12.2007 kl. 16:44]

Djöfulsins bull er þetta í þér drengur, hvað ertu að blanda femínistum inn í þetta mál? Hef varla heyrt annað eins bull, Ekki hafa femínistar heldur gagnrýnt nýfallinn dóm yfir karlmanni (kennara) úti á landi fyrir kynferðisbrot gegn 12 ára gamallri stúlku? Reyndu að gagnrýna málefnalega.

[Signý, 12.12.2007 kl. 17:29]

Ég hef aldrei nokkurntíman séð femínitsta taka upp hanskan fyrir karlmenn. Aldrei. 

[Haffi, 12.12.2007 kl. 20:13]

Það bendir allt til þess að femínistar lifa í boxi og geta ómögulega séð það sem þar er fyrir utan. Heimurinn er ekki bara feministi og and-feministi eins og sumar halda. Svo þegar maður fer að ræða um femínistamál, þá eru andsvörin þeirra að maður sé fávís og viti ekkert í sinni haus. Ekki góð byrjun á rökræðum þar.

Femínistar halda því t.d fram að konur séu betri stjórnendur en karlar, mín reynsla að kynferði kemur stjórnun ekkert við.

Femínistar vilja að laun verði gerð opinber og að konur fái jafna setu í stjórn fyrirtækja. Ég hef talað við konur á framabraut og í stjórn fyrirtæja og engin þeirra tók undir orð feimínista.  Femínistar eru greinilega í stríði þar sem engra átaka er þörf.

Konur hafa kært karlmenn fyrir nauðgun sem síðan reyndist uppspuni frá rótum, sbr. 2xstúlkur frá Akranesi og varnaliðsmann. Ekki sá ég femínista verja varnaliðsmanninn, þegar upp komst um svikin. Fleiri dæmi eru til um svona svik.

Femínistar hafa ekki talað máli feðra, í báráttu þeirra gagnvart rétti þeirra til að umgangast börn sín til jafns við mæðurnar.

Ef ég væri á götunni og yrði að velja milli hótels og heimili Stígamóta, þá er valið auðvelt, veskið ræður för og maður gistir frekar hjá Stígamótum. -frítt. Skýrslur samtaka eru alltaf til þess að sýna framá mikilvægi þess. Annað væri "sjálfsmorð" fyrir samtökin, Annars veit ég ekki til þess að það sé athvarf fyrir karlmenn sem hafa orðið fyrir ofbeldi eiginkvenna sinna. Engin tölfræði að fara þar.

Man eftir einni herferð sem femínistar héltu hér á landi og var á móti ofbeldi gagnvart konum. Tekið var dæmi um sýrubrendar konur. Er sannarlega á móti svona ofbeldi en ég veit ekki um dæmi um að svona hafi verið gert hér á landi og gerist vonandi ekki. Var kannski að koma með hugmyndir handa karlmönnum hér á landi, með því að sýna svona?

Mín skoðun er að femínistar eru með mao-iskar aðferðir til að koma á kvennrétti sem er ekki í neinu sambandi við jafnrétti. Það er bannað að tala um hlutina, bara þær hafa rétt á því að tala um hlutina og allt sem þær segja er rétt og satt og ef þú ert með aðra skoðun þá ertu dissaður í svaðið.

Femínistar horfa alltaf á sig sem saklaust fórnarlamb. Las blogg hérna um daginn um bíkini-vaxið og að konur væru að þóknast karlmönnum með því að snyrta sig. Það var ekki til í femínistaboxinu að kona vildi þetta sjálf og að hún hafði val um að gera þetta sjálf. Það eru nefnilega til konur sem hafa sjálfstæða hugsun, þó svo að femínista hafa ekki þann hæfileika og þurfa að hugsa saman í sínu femínistaboxi.