Af hverju alltaf þessi átök?

Skil ekki alltaf þessi átök hjá lögreglunni, það er átak gegn pissandi borgunum í miðbæ Reykjavikur, það er átak gegn hinu og þessu.  Öll þessi átök hafa það sameiginlegt að þau eiga sér stað í ákveðin tíma, eftir þann tíma gerist ekkert.

Í landslögum er ekkert fjallað um þessi átök, samkvæmt þeim er lögbrot alltaf lögbrot, hvort sem það er átak gegn því eða ei.  Samt virðist sem lögreglan vinni bara eftir þessum átökum.  Núna geta t.d flutningabílstjórar keyrt rólegir án þess að breiða yfir farminn, þó svo það geti valdið öðrum í umferðinni skaða.  Hef t.d ekki tekið eftir því að bílstjórar sem eru að keyra drullu úr Vatnsmýrinni fyrir HR, séu með ábreiðu á sínum vögnum. -En lögrelgan gerir ekkert í því..þar sem ekkert er átakið.

Lögreglan á ekki að vinna samkvæmt þessum aðferðum.  Hún á að taka á öllum lögbrotum alla daga ársins, óháð því hvaða tími dags (eða nætur) er.

Svo að lokum bendi ég á að þegar lögreglan er að stöðva og stjórna umferðinni, þá á hún að vera áberandi klædd, í neo-gulum jökkum, ekki dugar að vera í svörtum fötum með nokkrar endurskinsrendur. (sjá mynd sem fylgdi fréttinni)

Umferðarátak gekk vel