Kringlan á fullveldisdeginum

Fór í Kringluna í dag, reyndar var ekki einn um það, því hún var troðin af fólki sem voru að eyða laununum sínum, enda 1. des, dagur fullveldisins. Það fer samt ekki mikið fyrir þessum degi í dag, hann týnist í upphafi jólamánaðar.

En hvað um það, þar sem ég sat á "mínum stað" og fylgist með fólkinu sá ég þá (og ekki í fyrsta sinn) þar sem fólk stendur fyrir framan rúllustigana og er þar að spjalla, þannig að fólk sem ætlar sér í rúllustigann eða koma af honum, kemst hvorki lönd né strönd.  Getur landinn ekki hugsað aðeins út fyrir nefið á sér og séð að svona "hittingur" er ekki á réttum stað.  Gann landinn ekki lengur að hugsa?

Þetta bjargaðist í dag en gvöð hjálpi mér þegar fleira fólk fer að koma í Kringluna og þrengslin og jólastressið bætist oná allt saman.

Því langar manni að koma þeim skilaboðum til landsmanna að standa ekki á spjalli nálægt rúllustigunum. Það gæti nefnilega kostað átök.

Athugasemdir

[The baristas, 1.12.2007 kl. 18:15]

Núna er gott að vera á Akureyri.  Glerártorg (verslunarmiðstöð) Akureyringa er bara á einni hæð.  Þannig að við losnum við allskonar svona vesen :)