Vanvirðing hjá Kolbrúnu Halldórsd.

Er ekkert annað að gera á þingi fyrir Kolbrúnu en að sýna opinberu starfsfólki vanvirðingu? Getur Kolbrún ekki sýnt sóma sinn í að koma með fyrirspurnir sem not er af?

Gerir Kolbrún sér ekki grein fyrir því að svona fyrirspurn kostar skattgreiðendur peninga? Heilbrigðisráðherra sendir þessa fyrirspurn til ráðuneytisstjóra, sem sendir það yfir til forstjóra Landsspítalans sem sendir það yfir til yfirlæknis kvennadeildar..svo endar þessi fyrirspurn örugglega á einhverju elliheimilinu þar sem fyrrum starfsmaður spítalans gistir og hugsanlega getur hann svarað því "hvernig sú hefði hafi mótast"

Kannski verður svarið einfaldlega það að 2 litir einfalda innkaup spítalans og sparar honum pening, í stað þess að kaupa 20 liti.

Hvað svo? -líður Kolbrúnu þá eitthvað betur eða verr við það? Eða kemur þá framhaldsfyrirspurn frá henni? t.d af hverju voru ekki valdir litirnir grænt og rautt?

Ég geri þær kröfur til þeirra sem kostnir eru til þings að bruðla ekki með almannafé og skilaboð mín til Kolbrúnu er að tími sé peningar. 

Annars væri fyrirspurn hennar Kolbrúnar betur varið hjá félagi sagnfræðinga eða hjá Mattel, þar sem allar dúkkurnar þeirra eru meira og minna bleikar.

Ekki meira blátt og bleikt