Skjaldbakan Ralf Schumacher

Dýrasti og yfirborgaður liðsmaður Toyota F1, tjáir sig og það er ekki annað hægt en að vorkenna honum fyrir orðaval.  Blessaður Ralf, sem hefur bara komist áfram á því að vera bróðir M.Schumachers, býðst til að aka fyrir annað lið.  Hann býðst örugglega ekki til að gera það frítt, því blessaður kappinn er algerlega útbrunninn og ætti að fara að finna sér önnur áhugmál við hæfi, sbr. ræktun trjáa, hann getur amk fylgst með þeim þar sem þau vaxa svo hægt eða á maður að segja á sama hraða og hann fer.

Mestu mistök Toyota voru að taka þennan  metnaðalausa ökumann inn fyrir sínar raðir.  Liðið ætti í dag að leita að ungum metnaðarfullum ökumanni sem hefur viljann til að sigra en notar ekki Olympiumottóið sem sitt, þeas "málið er ekki að vinna, heldur að vera með"

Svo að lokum, þá get ég alveg boðist til að aka fyrir Toyota, hef nokkurra ára reynslu í að aka Miklubrautina á 60 km/klst. Formulan er varla svo mikið öðruvísi..bara meiri hraði..en á móti kemur að það er minni umferð.

Ralf býður sig fram til að aka fyrir McLaren

Athugasemdir

[bjorn (IP-tala skráð) 25.11.2007 kl. 17:11]

Haffi þú hugsar ekki nógu stórt. Sjálfur ætla ég að sækja um hjá Mclaren og Toyota til vara. Ég hef einnig allnokkra reynslu af að aka miklubrautina á allt að 65km hraða og tel mig síst verri kost en ralf litli. (að vísu á ég engan stóra bróður sem ber mitt nafn eins og ralfinn er með en það er líka það eina sem hann hefur umfram okkur tvo. Eins og máltækið segir "Maður keyrir ekki á nafninu einu saman"

[Sjonni (IP-tala skráð) 25.11.2007 kl. 17:44]

Ég held að andlegt heilbrigði Ralfs sé eitthvað að gefa sig, að hann haldi virkilega að sjálft McLaren liðið ráði hann eftir allt sem á undan er gengið... að hann haldi virkilega að einhver ráði 32 ára ökumann sem að er löngu búinn að sanna að hann sé útbrunninn... piff! Ég myndi kannski í besta falli skilja það að hann yrði ráðinn hjá Force India... ef hann yrði svo stálheppinn.