Hvað var þá málið?

Var þetta þá bara stormur í vatnsglasi?  Svandís hafði stór orð um þessa hluti í fjölmiðlum og að það þurfi að komast í botn á þessu öllu saman, -ætlar hún svo að leita sátta þegar hún er komin í stjórn borgarinnar!  Alveg er þetta týpiskt með þessa helv. stjórnmálamenn.  Þetta snýst þá bara allt og alltaf um að ná völdum hvað sem það kostar [alemenning]. Svandís ég skal bara segja þér það hérna á netinu að ef þú leitar sátta, þá skaltu líka bjóða D-listanum aftur völdin.

Svo til að kóróna þetta allt, þá segjast talsmenn GGE ætla að fara í skaðabótamál við Reykjavíkurborg, ætlar þá borgin að leita sátta þar lika og fallast á nokkur hundruð milljóna sáttargreiðslu?  Sem almenningur borgar!  Miðað við sáttina sem Vilhjálmur gerði við Gullnámuna vegna spilasals í Mjódd, þá geri ég ráð fyrir því að GGE, fá góða summu fyrir ekkert.

Svo er það spurningin, hvaða hausar fá að fjúka í þessu máli?  Það hefur engum verið sagt upp eða þurft að taka pokann sinn.  Væri Orkuveitan venjulegt fyrirtæki eins og stjórnendur hennar fullyrða, þá væru hluthafar búnir að kjósa nýja stjórn.

Það væri óskandi að maður gæti haft val um hvar maður kaupir orkuna hérna í Reykjavík. Helv. OR-pakk

Falið að leita sátta í dómsmáli OR og Svandísar