Víkverji mánudaginn, 12. nóvember 2007

Víkverji upplýsti alþjóð hvað hann væri fávís varðandi lánakjör banka.  Víkverji skrifaði:

 Víkverji verður reyndar að játa að hann lét sér ekki detta í hug að þetta fimm ára endurmatsákvæði varðandi vextina, sem bankarnir settu í lánasamninga, kynni að skipta einhverju máli. Nú ætti þó að vera ljóst að svo kann vel að fara; þ.e. ef einhver væri svo óheppinn að vera lentur í fimm ára endurmati akkúrat núna, þegar vextir Kaupþings eru vel yfir 6%, og hefur upphaflega fengið lán hjá bankanum á 4,15% vöxtum, nú þá er ljóst að hann á von á heldur leiðinlegum tíðindum – án þess að hafa nokkuð til þess unnið, að fótunum sé þannig kippt undan honum, og hefur sjálfsagt í góðri trú talið að samningar skyldu standa.

 Hið rétta er að þau lán sem Kaupþing lánaði var ekki með breytilegum vöxtum heldur föstum vöxtum í 25 eða 40 ár.  Þannig að sá sem tók 4.15% lán árið 2004 væri enn að borga 4.15% vexti 25 árum síðar.  En aðrar lánastofnanir voru með 5 ára breytingaákvæði hjá sér.

Víkverji á að sjá sóma sínum í að fara með réttar staðreyndir.  Annars var ég sammála honum í öðru í greininni.  Vandamálið með Íbúðarlásjóð er hámarkið sem hann veitir í lán.  Það var ekki i takt við íbúðarverð í Reykjavík og nágrenni árið 2004 og reyndar er það síður í takt við íbúðarverð í dag.