Vankunnátta fréttamanna

Maður er alltaf jafn hissa á þessum blaðamönnum.  Það að vera blaðamaður útheimtir nám í Háskóla Íslands, samt kunna þeir ekki að segja frétt, nema þá kannski að búa til frétt úr engu.

Rétt er það að vélin lækkaði sig ekki sjálf, heldur voru það flugmennirnir sem lækkuðu hæð vélarinnar í stjórnuðu flugi  og ekkert fréttnæmt við það.  Það er nú nefnilega þannig í flugheiminum að 10þúsund fet er sú hæð sem fólk getur andað í án þess að vera fyrir súrefnisskorti.  Vélin missti af á öðrum hreyfli og náði ekki að halda loftþrystingi í farþegarýminu og verða þá flugmennirnir að lækka hæð.  -Engin frétt þar á ferð..!

En það sem er frétt en enginn fréttamaður hefur fjallað um svo ég viti er það, af hverjum missti vélin pressu í farþegarýminu við það að missa annan mótor?  Þannig er það með Fokker F-50 og fleiri vélar að þær eru búnar búnaði til að halda uppi pressu á báðum mótorum.  Getur verið að vélin hafi ekki verið með nothæft pressu-unit á þeim mótori sem var í gangi og hver er skýringin á því?  Það er í raun ástæða þess að flugmennirnir þurftu að lækka hæð.

Legg til að næst verði Ómar Ragnarsson, ómenntaður fréttamaður og flugmaður með meiru, settur í að fjalla um flugmál í fréttum.  Hann amk veit að fluvél er stjórnað af flugmönnum.

Vélin lækkaði sig um 2.000 metra