Rómó stemming

Vonandi gátu einhver pörin notað rafmagnsleysið í eitthvað skemmtilegt.  Það verður kannski til hugmynd hjá þeim á Akureyri að nota svona aðferð.  Er bærinn ekki núna í einhverju ástarþema yfir helgina?

Rafmagnslaust í Eyjum í stutta stund

Nýjustu fréttir úr Eyjum...

Það bregst ekki, allir landsmenn skulu fá að vita hvað er að gerast í Eyjum þessa helgina.  Fréttamenn eru á staðnum og flytja reglulegar og stöðugar fréttir um ástandið í Eyjum.  Morgunfréttir byrja á því hvað mörgum stelpum var nauðgað í Eyjum og hvað margir voru teknir fyrir vörslu fíkniefna og ólæti.

Svo á mánudaginn eru það fréttir um hvenær síðasti þjóðhátíðargesturinn kemst frá eyjunni.  Stundum er það reyndar ekki á mánudegi vegna veðurs.

Aðrar samkomur/útihátíðir virðast ekki skipta sama máli og ástandið í Eyjum.

 

Flogið stanslaust fram á kvöld

Helv. arkitektarnir..

Draumur hvers arkitekts er að teikna stórt hús, reyndar skiptir það engu máli hjá þeim hvort það sé fallegt eða ljótt, bara að það sé stórt og standi eftir þeirra dag.

Hugmynd af Listaháskóla er einmitt þannig draumur sem er reyndar martröð fyrir aðra. Eitt að því fyrsta sem arkitektinn ætti að gera er að halda sig innan gildandi skipulags í stað þess að teikna eitthvað annað og ætlast til þess að skipulaginu verði breytt í kjölfarið.

Arkitektar landsins hafa sýnt það og sannað undanfarin ár að þeir kunna bara að teikna ljót kassahús, þar sem beinar línur eru notaðar ásamt 90° eða 45° hornum.  Svo eru húsin klædd með gleri, álplötum og steinflísum,  þannig hús eru nefnilega ódýrust og mesta hagnaðarvon fyrir húsbyggjandann.  Ekkert að húgsað útí hvort húsin "passa" í umhverfið sitt.

Maður hrósar bara happi yfir því að ekki sé farið að byggja í Vatsmýrinni.  Það yrði ekki fallegur staður ef núverandi arkitektar fá að teikna þar hús.  Maður vonar bara að næsta kynslóð arkitekta geri eitthvað betur en núvernandi, lærir vonandi eitthvað á núverandi mistökum.

Ég segi því bara burt með báknið...

..jafnframt get ég líka sagt burt með öll þessi hótel sem troða á niður í miðbæinn.

Hús Listaháskóla fer yfir leyfileg mörk

Sturla...í dag!

Sturla sem var daglegur gestur landsmanna í fréttatímum landsins fyrir nokkrum mánuðum hefur algerlega gufað upp í sólinni og hitanum undanfarið.  Hvar er maðurinn? Hvert fór hann?  Er hann búinn að láta gera við trukkinn sinn? Er hann enn að keyra trukkinn sinn og borga með hverjum kílómetra?

Er Strula kannski farinn að taka upp nýja flutningatækni (sem er reyndar gömul), þeas hestvagninn?

Hvar er Sturla Jónsson, talsmaður (samt ekki) trukkabílstjóra?

Áætluð mótmæli voru grín